قانون المرور المصري '2008' طازة من الكنترول
نرجو القراءة بتمعن سواء كان عندك عربية أو لا, من الأخر فتح دماغك
القاعدة الأولى: لو عربيتك كبيرة أو قديمة ، أستخدم المبدأ القانوني: اللي خايف على عربيته يوسع!!
ملحوظة: ابعد عن سكة العربيات المخرشمة ، بيسوقوا بنظرية ضربوا الأعورعلى عينه!!
القاعده الثانيه: البوز بيز - اللي يدخل ببوز عربيته الأول للتقاطع هو صاحب أولوية المرور! احرص على أن تكون صاحب أول بوز
ملحوظة: لا تطبق نظرية البوز بيز مع أي لوري أو أتوبيس ، حرصاً على بوزك لامؤاخذة
القاعدة الثالثة: الإشارات تكشف نواياك للأعداء ، أياك أن تستخدمها!
القاعدة الرابعة: لا تترك مسافة للأمان بينك و بين السيارة التي أمامك فهذا له عدة مخاطر:
*عربية ثانية هتمليء الفراغ في ثواني و برضه ما يبقاش فيه مسافة بينك و بين الي قدامك ، كل الي كسبته انك اتأخرت لورا شوية
*تعطي فرصة للعيال يعملوا غرز قدامك
*كل المشاة حيغمضوا عينيهم و يعدوا من الحته
*والي
وراك حيقعد يزمر أو تسمع شوية أسامي حيوانات لو كان سواق تاكس، أو حيخبطك
من ورا لو كان سواق ميكروباص- الإشارات مش معمولة علشان تنظم المرور ،
معمولة علشان شكل القاهرة يبقى متحضر بس! اعتمد على العساكر -أو يفضل أن
تستعمل البوز بيز - راجع القاعدة الثانية
*اذا كنت مش واقف في الصف
الأول في الاشارة اعمل حسابك تزمر بشكل متواصل و هستيري أول ما الأشارة
تفتح ، لأن الناس الي قدام بيبقوا واقفين في الاشارة من زمان و جايز جداً
يكونوا ناموا!! *معظم الحوادث تحدث في التقاطعات أول الأشارة ما تحمر، كل
ما عديت الإشارة الحمراء أسرع كل ما قلت فرصة انك تتخبط!
*الشارع مكان
مقرف ، سوق بأسرع ما يمكن حتى تتخلص من هذا الهم بسرعة ، الناس الي ماشيين
بالراحة مرضى نفسيين بيستمتعوا بالعذاب يستاهلوا الي يجرى لهم
*من
حقوقك الدستورية أن تركن أمام باب المحل الذي تريد أن تشتري منه ، اذا
سبقك واحد ابن ستين في سبعين و ركن قدام الباب ، فمن حقك أن تقفل عليه و
تركن صف ثاني أو ثالث، و مش مهم لو الشارع اتقفل ، ايه يعني أما الناس
تتعطل عشر دقائق علشان تستمتع بحقوقك الدستورية؟ هيا يعني الدنيا طارت ولا
كان وراهم الديوان
*من حقك أيضاً أن تخرج من مكان انتظارك في أي لحظة
تشاء ، اكسر الدركسيون شمال و اطلع ، أي حد ماشي في الشارع لازم يقف لك
فورا ً، راجع البند السابق
*إحترس من ثلاث أنواع من السائقيين بيسوقوا
و كأنهم مش ممكن يموتوا:- العيال الروشين الي بيلعبوا و فاكريين إن ممكن
يكسبوا زيادة لو ساقوا
*موتوسيكلات توصيل الطلبات ، سواقين الميكروباص.
ملحوظة: إوعى تحاول تثبت لحد منهم إن فكرته غلط. فاهمني!!!
*لما
تشوف حادثة لازم تهدي و تتفرج الحجات دي دمها أخف من الأخبار المملة بتاعة
التلفيزيون ، و بعدين لما الطريق وراك يقف تحمي المجتمع من حادثة تانية
الكناسين لازم يحللوا اللقمة الي بياكلوها ، حاول تنفعهم و ترمي أي حاجة من الشباك
*لما تخلص سيجارة أوعى تحطها في الطفاية ، ارميها من الشباك أول ما تشوف واحد بموتوسيكل معدي جنبك -علشان يحرم يعمل غرز-
*من حقك أن تعبر الشارع في أي وقت و من أي مكان
*اذا كان هناك سيارة قادمة اعمل نفسك مش واخد بالك و عدي براحتك خالص،ما تخافش، هوا حيقف، هو اهبل يدوسك و يودي نفسه في داهية
*اياك أن تنظر نحو السيارات القادمة ، أعبر الطريق و ظهرك لها حتى لا يشك أحد قائدي السيارات أنك تراه و يحاول يخوفك علشان تقف
*حتى لو شفته أوعى تخاف تبقى راجل ملو هدومك و تخاف من حته عربية؟ عرض قفاك و سيبه يتفلق
*الرصيف
ليس للمشاه ، بل لركن السيارات و فرشات الباعة الجائليين و المحلات... الخ
، لذلك يحق للمشاة السير في وسط الشارع ، لمزيد من الأمان ، راجع القاعدة
السابقة
*إذا كان الماشي من فئة النقل الثقيل ، فمن أبسط حقوقة إنه
يمشي على أقل من مهله و يهتز براحته. واللي مش عاجبة الهز يدور على لوري
يخبطة
ـــــــــــــــــــــــــــ
رب اغفر لي ولوالدي وارحمهما كما ربياني صغيرا واصحاب الحقوق علي وعلى والدي والمسلمين والمسلمات الاحياء منهم والاموات
